خدمات و تبلیغ دین اور اشاعت اسلام
حضرت غوث العالم محبوب یزدانی سلطان سید اشرف جہانگیر سمنانی قدس سرہ النورانی رحمتہ اللہ علیہ نے اپنے دور کے اکابر علماء وفضلاء ومشائخ سے اکتساب فیض فرمایا اورجب ہرطرح سے کامل و مکمل ہوگئے تو خدمت خلق، تبلیغ دین اور اشاعت اسلام کی جانب متوجہ ہوئے، اور اپنی زندگی اشاعت اسلام اور تبلیغ دین، عبادت وریاضت، | رشد و ہدایت، ارشاد و اصلاح، مخلوق خدا کی خدمت او تعلیم دین و اصلاح عقائد واعمال کے لیے وقف کردیا اور اپنے قول وعمل تقریروتحریر سے علماء وفضلاء، صوفیاء و مشائخ، امراء، فقراء، سلاطین زمانہ و طالبان معرفت وسلوک اور عوام الناس ہرایک کی اصلاح فرمائی، اورعلم وعمل، تفکروتدبر، توحید وایمان، امر بالمعروف ونہی عن المنکر، رزق حلال کی اہمیت و فضیلت اور اتباع شرلیت پر بہت زور دیا۔>شد
اجو دھیا اور کاشی کے درمیان روح آباد رسول پور درگاہ کو آپ نے اپنا مرکز بنایا، ہزارہاغیرمسلموں کو داخل اسلام فرمایا اور اس پورے علاقے کو اپنی روحانی تعلیمات سے جگمگا دیا۔ آپ کی زندگی کا بیشترحصہ ہندوستان کے مختلف حصوں اورممالک اسلامیہ میں اصلاحی اور تبلیغی سرگرمیوںمیں گزرا، تمام لوگوں کو آپ نے دینی خدمات سے فیضیاب فرمایا اور بے شمار لوگوں کو دولت دین و ایمان سے مالامال فرمایا۔ جن میں اکثر وبیشتر کو درجۂ کمال تک پہنچاکر اجازت و خلافت سے سرفراز کیا اورانھیں وہاں کی تبلیغ و اصلاح اور شدو ہدایت کی ذمہ داری بھی سپرد کردی اور اس کے علاوہ ہندوستان کے مختلف حصوں اور دوسرے ممالک میں اپنے تربیت یافتہ صاحب کمال خلفاء کو صاحب ولایت بنابنا کر ہر طرف بھیجا، آپ کے خلفاء نے اسلام کی بڑی خدمت کی، مذہبی اور روحانی اثرات پیداکیے، اوراسلامی تعليمات پھیلائی۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972